Paneer Butter Masala Recipe In Hindi | Food Recipe In Hindi | Bhartiya Kitchen

Hello dosto, Aaj hum aap sabse us sabzi ki recipe share karne ja rahe hain, jo India ke log, specially North India ke log to bahut hi Chatkare lekar khate hai, Ye hai Paneer Butter Masala. Aam karke log kya karte hai, ye sabzi mangwate hai dhabe ya hotel se. Kyuki logon ka manna hai ye Vyanjan ghar pe nahi ban sakta, To aaj apko ye recipe bata kar apko khush karna chahti hu. Chaliye apko batau mai Homemade Paneer Butter Masala Recipe. Acha ek aur baa, ise hum Punjabi Paneer Butter Masala bhi kehte hai.

Paneer Butter Masala

Paneer Butter Masala Ingredients :

1. 250g Paneer, 1 inch ke cubes katte hue
2. 2 madhyam pyaz, barik katte hue
3. 1.5 tspn adrak barik kata hua
4. 3-4 lassun ki kaliyan
5. 3 madhyam tamatar
6. 6-8 kaju, 15 min pani mai bhigoye hue
7. 1 chota tukda tezpatta
8. 2 hari mirch, lambi kati hui
9. 1/2 cup milk(full fat)
10. 2 tspn kasoori methi
11. 1/2 tspn garam masala powder
12. 1 tablespn dhaniya powder
13. swad anusar lal mirch powder
14. 2 tablespn taza cream ( malai bhi chal sakti hai )
15. 2 tablespn butter
16. 2 tablespn oil
17. swad anusar namak

Suggestion :

Paneer Tikka On Tawa Recipe

Paneer Butter Masala Cook Guide : 

1. Pyaz, adrak aur lassun ko Mixi mai pees kar paste bana lei. Kaju ka paste banane ke liye, 2 Tablespn pani ke sath mixi mai pees le. Tamatar puree tayar karlein
2. Ek kadhai mai madhyam aanch par tel aur butter sath mai garam kare, tejpatta aur pyaz ka paste dalkar use halka bhure rang ka hone tak bhoon le. 4-5 minute lag jayenge
3. Kati hui hari mirch aur lal mirch powder dalke 30-40 sec ke liye bhune. Kaju ka paste daal le.
4. Chamach se lagatar hilate hue, 2 minute ke liye bhun le. 
5. Tamatar ki puree dalkar tabtak bhun le jab tak oil chutne nahi lag jata, Lagbhag 3-4 minute lag jayenge.
6. Dhaniya powder aur garam masala dalkar mixture ko ache se milayiye.
7. 1/2 cup doodh(milk), 1/2 cup pani aur namak dale, chamach se ache se milate hue use tel sateh par aane tak pakayiye. 4-5 MINUTE DIJIYE ISE. 
8. Paneer ke tukde aur kasoori methi(hath se masali) daaliye aur 2 minute ya gravy gadhi hojane tak paka lijiye.
9. Taza cream add karlein.
10. Thik se milana hai aur gas ko band kardena hai, Kyuki bas khatam, ye tayar hai. 
11. Ek serving bowl mai is tayar Punjabi Paneer Butter Masala ki sabzi ko nikalkar Cream ya Makhan se saja le. 

Ab maze le apne pariwar ke sath aur judiye rahe Bhartiya Kitchen ke sath.